ՀՀ ԱԻՆ-ը գնում է օգնության հայ լեռնագնացին Վրաստանում

eMedia.am, 11.08.2012 | Վրաստանի Ուշբա լեռան վրա օգոստոսի 9-ից գտնվող Անդրանիկ Միրաբյանին արդեն մոտենում է փրկարարների խումբը եւ պայմանավորվածություն կա նաեւ ուղղաթիռի վերաբերյալ:

Ինչպես հայտնում է News.am-ը, այս մասին հայտնել է ԱԻՆ փրկարար ծառայության լրատվական բաժնի ղեկավար Նիկոլայ Գրիգորյանը:

Նրա փոխանցմամբ այսօր՝ ժամը 11.30-ին, ՀՀ Ճգնաժամային կառավարման կենտրոնն ուղիղ կապ է հաստատել Վրաստանի ներքին գործերի նախարարության, ԱԻ դեպարտամենտի, Վրաստանում Հայաստանի դեսպանատան, Ռուսաստանի Դաշնության արտակարգ իրավիճակների նախարարության, Միրաբյանին օգնության շտապող փրկարարական խմբի եւ հենց Միրաբյանի հետ: Կապի հաստատման ժամանակ ներկա է եղել նաեւ Անդրանիկ Միրաբյանին մայրը: